البوم صور

جربت قبل كده تبص في البوم صور قديم مركون في الدولاب
يمكن حسيت بالخوف تفتحه،يمكن بقي بالنسبالك شيء مهاب
خائف ترجع الذكريات القديمة اللي حاولت كتير تنساها
طب جرب تسرح شوية هتلاقي دماغك بتاخدك كأنك بتعيشها وجواها
احتمال يفكرك بحد بِعد وسابك من غير سبب وفجأة مِشي
بس قصادها هيفكرك بناس ومواقف مهما يعدي الوقت عمرها ما هتتنسي
هتفتكر أول مرة تتصورو لما قولتوا 'هتفضل لحد ما نعًجز ونضحك عليها'
هتيجي فدماغك أول مرة زوغتوا من الدرس والمرة اللي أتقفشتو فيها
يمكن في مرة تتجرأ وتفتحه و انتا بتقنع نفسك ان عادي مش هتضايق
هيجي في دماغك موقف من بعده وأنت قررت ان محدش فارق
هتفتكر اللي فضل واقف في ظهرك واللي من أول مطب سابك
زي ما هتفتكر اللي مفتكرش غير الوحش وساب كل الحلو من صفاتك
هيلف في دماغك شريط الذكريات اللي افتكرت انه مع الأيام أتمسح
بس هتكتشف أنها هتفضل ملازماك و هتخلق من ذكرياتك شبح
هيطاردك يمكن في أحلامك ويفكر بناس كنت فاكرهم تسيوك
يمكن في ساعتها لو كنت بس فكرت شوية وادتهم فرصة عمرهم ما كانو سابوك
احتمال بعد ما تقرأ دي تجيلك الجرأة وتخش تفتحه وتقلب بعنِد علي كَبر
بس حاسب وخلي بالك من اللي ممكن يفكرك بيه ...ألبوم صور