ماريا القاهرة

انهردة نزلت اتمشيت في الزمالك و عديت علي مدرستي ,افتكرت حاجات كتير اوي عملناها هناك

-متأخرة ليه؟ -اصلي ساكنة في المعادي -يبقي تنزلي بدري-

الوقفة عند البنزينة كل يوم خميس عشان تاكسي يرضي يقف

-المهندسين؟-مصطفي محمود؟نادي الصيد؟-طب انت رايح فين؟

اعدة سور كلية تربية موسيقية

هايدي احمد و تزويغ حصة مدام سان
 

بيتي كوكتيل قبل الامتحان 

خمسة علي طبقين كشري من الكس توب 

 

تمشية كل يوم الصبح بدري تتليها مصمصة شفايف من ميس رحاب 

امشي بسرعة الراجل الJapanese بتاع الباصات شافنا-

-ادخلوا المدرسة -اصل ماما هتدينا حاجة يا عمو جابانيس

ناصية دار التربية و السوبر ماركت الوحيد اللي بيبيع كورونا بالمستكة

-مين مريم شامل؟ -بنت خالتي من بعيد

مكتبة الرومانسية

-استبينا قفل -جعانين -طب يلا نروح الف ليلة وليلة

امينة محمد و كل مرة تأخرنا عشان الAccounting

ساندوتشات منصور اللي بتجوع

اعدة الارض

سبعة الصبح بندور علي الوان عشان امتحان الرسم

الواد اللي كسر شباك عشان صاحبته فركشت معاه و السبعة و تلاتين غرزة

مستر وحيد و صباعه الصغير اللي بيتنطر لما يتكلم عن امجاده

كبده مقلية قبل امتحان الجغرافيا بنص ساعة

مستر احمد عمرو دياب بتاع الMusic

دي لبانة؟

اعد سلم المسرح

بتاع الورد عند البنزينة اللي بنفاصل معاه لحد ما تناخد اللي عايزينه بعشرين جنيه

محمد بتاع الامن و قميصه الكاروهات

نور عبعزيز اللي في ايدك ده موبيل؟

بطاطس بالكاتشب من استبينا في حالة القشفرة الجماعية 

ايام الشتا و ورد سور تربية موسيقية 

اليمامة سنتر 

الكشك اللي قدام سفارة الجزاير

ربيع فراش مبني اعدادي اللي بيغششنا

حضن مطارات عائشة قطب كل يوم الصبح 

هاني سواق امينة لؤي و كل مرة بيبقي عايز يطردنا لما نركب معاه

لما قطعنا ورق كراسات قديمة و كتبنا -اتبسط- و حاولنا نوزعها عالناس و بصولنا بقرف

-مفيش تكاسي- خلاص هنمشي للمهندسين -

مكتبة ألف

سبعة في كل لجنة و مستر ماهر جبرة و مستر وحيد

اعدة البرجولة 

جدول يوم الاتنين

خناقة كل يوم: مين هيعد عالحرف

هالة رمضان و كل مرة ككانت بتيجي تقولوهم دي بنتي, الله يرحمها

-اسمك ايه- نور -ماشي يا نورا-

كل مرة وقعنا العجلة بتاعت الصيدلية اللي قدام المدرسة و يطلع يشتمنا لحد ما زهق و بقي يدخلها معاه 

سوبر ماركت اليمامة و الراجل اللي علي كول مٌسمئز من نفسه

كورال المدرسة و التلوث السمعي لما غنوا اهو ده اللي صار

منصور بتاع الكانتين

صور المدرسة

البلوفر الرمادي

عم فاروق بتاع الممر

مريم هيكل و حبيبة ايمن

منة هاني و هايدي احمد

عائشة قطب

 ممكن مفتكرش الحاجات ديكمان عشرين سنة ,بس هفتكر كام حاجة هتخليني ابتسم كل مرة اعدي عليها.. ماريا القاهرة 

اول يوم حجاب

انهردة الجمعة 14/6/2013 ,اول يوم حجاب
حاسى اني مبسوطة, رحت لجدتي كنت عارفة انها هتشتمني بس بصتلي كده وعنيها دمعت وخدتني في حضنها و قالتلي ” كان نفسي تستني شوية بس ميروك”
مش هنسي اول ما جدي فتحلي الباب وحضني جامد اوي وقالي ربنا يخليكي ليا
قابلت ناس كتير اوي يومها, اللي اتخض واللي سكت بس كنت عارفة اني مش عجباه, هو بردو الصراحة مكنتش عارفة الف الطرحة عدل
قابلت اللي اول ما شافني اتفاجأ ورجع لورا خطوتين وفتح بؤه
 واللي تنح واللي دخلت معايا تعدلي الطرحة
و عمي اللي كلمني وقعد عشر دقايق يقولي كلام كتير حلو اوي, حسيت انه مبسوك لدرجة انه عمل Share لصورتي علي الفايسبوك وكتب نور بنت اخويا عمرو!
و الMentions بالعبيط من ناس عمري ما شوفتها عشان تقولي مبروك ربنا يثبتك
مريم اباظة اللي فضلت فاتحة بؤها وهي بتكلم خالها عالموبيل
ميرنا الصناديلي اللي عملتلي فرح و كان هيغم عليها
مدرستي في تانية ابتدائي اللي كلمتني واعدت تدعيلي 
امينة لؤي اللي فضلت نص ساعة بتقولي حضرتك
مريم وليد اللي كلمتني واعدت تتنطط وترقص
اروي عباس اللي اعدت تغنيلي علي الWhatsapp
ماما اللي فضلت تبصلي بقرف وتقولي شكلك غريب مع اني عارفة انها بتقاوح عشان مكبرهاش
و لبني ابراهيم لما قالتلي وشك منور اوي و حضنتني جامد
مش عارفة اصلا بكتب الكلام ده لييه بس ده كان اسعد يوم قضيته من يوم طويل بعيدا عن ان لف الطرحة طلع حاجة مرهقة جدا

زاوية بحر الاسكندرية

مل الوقوف وحيدا لا يبدي أي محاولات للافلات من ذاك الوضع

 يمشي وحيدا ويعجبه حاله طالما يشم اليود في نسمات انفاسه

 لا تغريه الفتيات الجميلات علي الشاطيء بقدر ما يبهره بحرها

 تلك المدينة الساحلية صاحبة الفضل في حبه للوحدة 

،لا تظهر عليه علامات الامتعاض من كونه غير مقبول طالما تقبله رمالها رفيقا لها

 لا يعنيه كثيرا ما يسميه البشر من اهتمامات أوليه 

لا يعطي اهتماما لمعدته التي تصرخ مكتفيا بالنظر للأمواج المتصادمة علي صخور القلعة

تلك القلعة التي كانت يوما تتطل علي احدي العجائب،

 بالرغم من عدم مبالاته التي تظهر مليا علي مظهره فهو يعلم ان للغدر مكانا في عالمنا الذي هجره منذ زمن

 مستسلما لهلوساته الليلة عن ما يسمي بعالم البشر يسبل جفنيه وينام قريرا موقن انه سيستيقظ علي أرضها

آملا ان يمن عليه القدر بتلك الزاوية التي ينعم فيها بملاذه وأمانه ... زاوية بحر الإسكندرية

احلام وردية

بحلم بأعدة ساعة مغربية وقهوة ريحتها مفحفحة عالسبرتاية
صوت البحر في الخلفية وريحته مع القهوة ادمان لدماغي
ويعدي الوقت بسرعة طب لييه بردو مش كفاية
الاء اعدة عالرملة بتبص للسما والقلم في ايديها مستسلم هادي
اروي اتحقق حلمها وجبنا اكل كتير بس معرفناش نروح القمر
ميرنا سرحانة طرحتها بتهفهف مع الهوا وراحت بعيد
جدي قاعد هناك مستني يحكلنا حكاية مليانا درر
والبحر موجه يعزف الهادي هداوة بنت فستانها جديد

اختي الصغري

تأتيني في احلامي معللة غيابها

 معللة الملابس التي لازالت محفوظة بركنها في دولابي

ذكري نبأ قدومها الينا المفاجئ 

تزورني مطمأنة اياي انها سعيدة وبخير

   تحكي لي عن لعبها مع ملائكة الرحمن وكيف تلهو

تقول انها اشتاقت لي كثيرا, اشتاقت لتربيتات امي عليها 

لرائحة بيتنا واحساسها بالامان عندما كانت تجد امي

تتحدث وتضحك محاولة بث الطمأنينة في نفسي

لا اعرف اي صوت هذا ولكن صوتها لا يشبه شيئا سمعته قبلا

ربما هو انقي ما سمعته ,يبدو مألوفا علي الرغم من هذا

تطمأنني انها ستأتيني مرة اخري قريبا 

 مغادرة تلوح بيداها الورديتان ووجها الذي يشبه امي كثيرا

 تبتسم فيظهر طابع حسنها المختوم لكلتانا 

اختي الصغري التي لم تجد الفرصة لتلهو معي تأتيني في منامي

صاحبي

عارف مين هو صاحبك اللي بجد؟ هو اللي يدافع عنك من غير ما تعرف ,هو اللي دايما معاك من غير ما تطلب دايمة في ظهرك 

مش بتتكسف تحكيله مصايبك وبلاويك, وغالبا بيبقي هو معاك فيها, بيضبط معاك كل كدبة والتانية ويندمج اوي حتي انت بتشك فنفسك 

ساعات كتير بتلاقي اللي يقولكوا "انتوا اخوات" فتروحوا رادين مع بعض فنفس واحد بكل ثقة "اييوة",مسميه "فسيخة" وهو مسميك "الدبة"

هو اللي تكلمه تقوله "طابخين ايه انهردة, طب قول لماما تعمل حسابي",الوحيد اللي عارف اسم الحاجة والدتك واحتمال يبقي وصل لمرحلة الجدة

احتمال ماتبقوش كل يوم مع بعض بس عندك عنه معلومات تكفي انك تكتب تقرير يومي للمخابرات العامة,  بتعملوا مع بعض كل حاجة مجنونة وغريبة 

و طبعا لو لقيت موبيلك بيرن ومامتك ردت واعدت ترغي بتعرف انه هو, هو اللي مع كل مصيبة يبصلك كده ويقولك "هنعمل ايه يا مصيبة" 

هو اول واحد جيه فدماغك مع بداية اول حرف من ال"Post" دي, لو لسه مكمل قراية روح كلمه وقله اد ايه بتحبه واحمد ربنا عليه

This Post Is Dedicated To My Best-Friend ,Merna Elsanadily..

الاسكندرية تطاردني

إنها تطاردني في أحلامي، في أوهامي وغالبا ما ألقاها في أحلام يقظتي، يتسلل إلي أنفي رائحة البحر التي لطالما كان لها ذلك التأثير الهاديء علي نفسي
يراودني ذلك الحلم عن الجلوس أمام البحر ورواية ما تحمله ذاكرتي من ذكريات وابتسامات و في بعض الحين دروس
 غالبا ما تخالجني تلك الابتسامة اللاارادية عند ذكر اسمها،ربما شعور بالامان علي الرغم من كون اسمها يندرج تحت البند الاعجمي الغير متداول عربيا

دائما ما تقفز الي ذاكرتي عند بلوغ مسمي "مدينة الشمس والسعادة" من دون قصد او من الممكن لما تحمله من ذكريات سعيدة  
تداعب خيالي عند الاحساس بالبرد فأجد ذاكرتي تأخذني إلي مشهد البحر في وقت الغروب أو بتلك الجولة القصيرة بشارع فؤاد
لا أعرف ما تحتوي به نفسي تجاهها و لكن ما أوءمن به هو إنها تطاردي، الإسكندرية تطاردني