كلمة

كلمة, كلمة ممكن تفرحنا اوي و تطلع سابع سما بينا ,بس قصادها ممكن كلمة توجعنا و تعَلم فينا

كلمة هتطلع منك في لحظة فرح و تبقي في محلها ,و كلمة تانية هتطلع في وقت عصبية و مش هتعرف اثرها فوقتها
غصب عنك هتجرح حد بكلمة يمكن مايكنش قصدك ,يمكن مايبينش و يمكن يبين و ساعتها هتعمل باصلك
و ممكن تقول كلمة ماتبقاش مجاملة  ,تبقي بتقولها كده و تبسط اللي ادامك اوي و تخليه يبتسم او ممكن تبقي محاولة

كلمة هتقولها و تلاقي دمعة محبوسة نزلت معاها ,يمكن فكرتك بأيام صعب تنساها 

و ساعات بنفضل مستنيين كلمة من حد ,لحد ما حيلنا من الانتظار و اللهفة يتهد

يمكن 'سلام ' ما هي بردو كلمة تخليك تبتسم ,زي ما كلمة في اغنية هتخليك تنسجم

كلمة يمكن تكون بسيطة في نظر الناس ,بس توجع زي ما تكون بالجزمة بتتداس 

كلمة بتتحكم في مشاعرنا ,خلي بالك قبل ما تقولها ما هي في الاخر... كلمة