مع الوقت, مع الوقت هتكتشف ان عمرك رحلة قصيرة مش عارف هتخلص امتي
بالتجارب هتكتشف ان اكتر حاجة هتأثر فيك هتبقي كلمة
مع الوقت هتعرف سر قوة "ربنا يبعد عنك ولاد الحرام يابني"
هتتعامل مع ناس المحاولة معاها لا هتجيب ولا هتودي
مع الوقت هتعرف مين اللي دايما كان في ظهرك و انتا بتبعده
هتعرف مين اللي خلي باله ومين اللي دايقك بكلمته
مع الوقت هتتعود تبص علي مشاكل الناس و تقول الحمدلله
هتبطل تفكر في رزقك وهتعرف انك كده كده هتلقاه
مع الوقت هتعرف انها كلها سلف و دين "هتلف وترجعلك"
هتفكر في الجملة دي و هتفتكر مرة فيها نسيت وعدك
مع الوقت هتعرف ان مفيش حاجة اغلي من ضحكة صافية
فيه اللي دايما راسمها وخلاص و فيه اللي عارف قيمتها وعارف انها مش دايمة
مع الوقت هتبطل تفكر في نفسك و هتاخد بصة عالي اللي حواليك
هتكتشف ان الابتسامة اللي علي وشهم ممكن ترسمها باأديك
طب عمرك فكرت في الوقت؟ هتبتدي تفكر فيه... مع الوقت
No comments:
Post a Comment